Навлегувањето во тешка бирократија и администрација може да го забави процесот на царинење и да влијае врз ефикасноста на бизнисот. Освен тоа, примената на вистинските процеси со правилна документација може да биде неефикасно, особено ако стоката мора да помине низ повеќе законодавства.
За среќа, нашите докажани услуги за царинење извоз и транзит се проектирани да ја намалат неизвесноста и да ја одведат стоката таму каде што треба, тогаш кога треба да биде таму.
Накратко за нашите извозни царински услуги и транзит
Нашиот широк опсег на царински извозни услуги е проектиран да Ви помогне да ја извезувате стоката без одложувања, со оптимални трошоци и во целосна согласност со регулаторните барања. Еве некои од услугите за царинење извоз и транзит што ги нудиме:
- Извозни декларации
- Извозна декларација (EX)
- Извозен придружен документ (EAD) - Транзитни постапки
- Издавање транзитен документ (TAD) - Издавање уверенија за движење
- EUR-1 (Сертификат за потекло)
- ATR1
- Сертификат за потекло
Извоз на ново ниво
Партнерството со нас има неколку клучни придобивки. Нашата докажана стручност и меѓународно присуство нè ставаат во водечка позиција кога станува збор за царинење на стоката - брзо и без непотребни одложувања и лежарина.
Незаменливи придобивки
Покриеност низ ЕУ
Присутни сме на сите главни излезни точки на ЕУ, овозможувајќи Ви стоката да помине низ царината. Стратешки сме поставени да ги поддржуваме сите основни меѓународни трговски текови, давајќи Ви максимален пристап до повеќе рути, намалувајќи го бројот на партнери и држејќи ги трошоците под контрола.
Усогласеност, без грешка
Работите може брзо да се комплицираат, особено во трговски контекст каде што царинските прописи се склони кон промена. Ние сме овластен економски оператор (АЕО) сертифициран царински посредник, така што го осигуруваме Вашиот целосен меѓународен синџир на снабдување и ги искористуваме предностите на царинските поедноставени постапки. Даваме приоритет на усогласувањето со потребното европско законодавство и националните одредби.
Намалете ги одложувањата и изградете доверба
Нејасните царински процеси предизвикуваат одложувања, што влијаат врз Вашите финансиски резултати. Нејасните тајминзи исто така може да ве спречат правилно да планирате. Имајќи го тоа предвид, нашите услуги за извозно царинење може целосно да се усогласат со Вашите оперативни активности. Тие ги земаат предвид крајните рокови и се целосно синхронизирани со партнерите низ целиот Ваш синџир на снабдување - нема повеќе пропуштени рокови за испорака.
Сигурни транзитни услуги
Нашето решение се заснова на нашите царински гаранции со секоја земја членка на ЕУ, дури и за стоки со висока вредност. Ова значи дека нема царински одложувања додека стоката се движи од една земја во друга со соодветни царински гаранции.
Стручњаци за големи бројки
Kuehne+Nagel има долгогодишно искуство во меѓународната трговија и во царината. При тоа, во состојба сме брзо да одговориме на променливите пазарни и регулаторни услови. Нашата глобална мрежа вклучува поранешни царински службеници, професионални лица од индустријата, овластени царински посредници и специјалисти. Дознајте како можете да ја искористите нашата широка палета на стручност, покриеност и поедноставени решенија.
Бидејќи бројни органи нè препознаваат како трговски партнер што е овластен економски оператор (АЕО), им помагаме на бизнисите ефикасно да управуваат со трговијата.
Подобрување на финансиските резултати преку оптимизирање на царината
Царината обично опфаќа многу поголем дел од трошоците за испорака до врата отколку самиот транспорт, но сепак компаниите често се преокупирани со транспортот.
